அடுத்த தீபாவளியின்
புதுத்துணியை இப்போதே
காணும் பாக்கியம்
உண்டோ உங்களுக்கு?
எனக்கு உண்டு.
கரும்பச்சை நிறத்தில்
காற்சட்டை
கிளிப்பச்சை நிறத்தில்
முழுச்சட்டை.
கைமடிப்பிலோ
காலர் ஓரத்திலோ
சட்டைப் பையின்
அருகிலோ
கால் மூட்டிலோ
இடுப்பு வார்பட்டியின்
இரண்டொரு காதுகளிலோ
கிழிசல் ஏற்பட்டு, சற்றே
சாயம் மங்கி
அடுத்த தீபாவளிக்குள்
என்னிடம் வந்துவிடும்
சின்ன அய்யாவின்
புத்தாடை
என்னைப் பற்றி
- சபாபதி சரவணன்
- சொந்த ஊர் இராமநாதபுரத்தில் அமைந்த குக்கிராமம். வளர்ந்தது, பிழைத்துக்கொண்டு இருப்பது சென்னையில். மிகவும் நேசிப்பது சென்னையை. (ஆம். உண்மையிலேயே)
No comments:
Post a Comment